1431. August 14. Oppeln

Wir Michael Seidel von gotis gedolt Prowbist czu Tscharnowans vnde ich Nicklos Herbarth des egenanthen Closters foyt vnde wir her noch geschrebin Schäppen Alse Pauel Wangel, Pauel Sytczke, Mathis Scöczyles, Mätczey Pwys, Jan Käuszy, Thuen kunth vnde offenbar mit desem gegenwertygen briffe allen den dy en sehen hören adir lesen, das vor uns komen ist im gehegit ding dy Jrbar vnde Toguntsame frawe Katherina Krawszynne mit gesuntheit eres leybes, mit wolbedochtem mutthe, mit gutter vornumfft, vnbetwungen, mit Rowthe ir ffründe vnd hot vorreicht vnde gemacht den Innygen vnd Andechtigen Juncfern czu Tscharnowans eyne halbe marg geldis vnde Czynses off Woytczlaffen des Andechtigen hirren Prowbistis fflodar czu Tscharnowans czu eynem selegerethe vnde Testamenth alle yor yerlich czu gebin vnde zu Czynsen den egenanthen Juncfern off synthe Johannis tag des Tewfers ünsers hirren eynen ffirdung vnde off Weynachten eynen ffirdung, das se alle Jor Jerige czeit begehen süllen vor eyne Margaretha von der Brenicz der got genode, vnde vilgen singen vnde begehen, alse is recht vnde gewönlich ist mit dem Amecht der heyligen messe, ydach mit sulcher vndirscheit, das den Andechtygen Cappelan czu Tscharnowans geistlich adir wertlich gefallen sal von der selbigen halben marg Czynses Acht grosschen alle Jor Jorlich, vnde des hot sich der obengenanthe Woytczlaff mit seyner Elichen ffrawen Agnethen dor czu gegebin vnd vorwillet. Vnde ab der egenanthe Woitczlaff mit seyner Elichen ffrawen Agnethen nichten geben dy obgenanthe halbe marg Czynses alle Jor yerlich off dy vorgeschrebin tage den egenanthen Junefern, So mögen dy obengeschrebin Junefern pfendenmit des prowbistes dyner adir mit dem foyte des egenanthen Closters vnde mit den pfänden czu Thuen vnd czu lossen sam alle recht do methe begangen wer mit den pfänden. Vnde ouch ab is sache wer das der egenanthe Woytczlaff adir seyne Eliche hawsfraw ümbmer vormöchte dy obgenanthe halbe marg ablösen welde adir ablösthe, so sal her se ablösen ümh ffümff marg grosschen Bemischer müntcze Polnischer czal als se dy obgenanthe Katherina Krawszynne gekowfft hot, So sal man dach ümb das selbige geld eyne andir halbe marg kewffen, also das das selbige selegerethe y vnd y vor sich sal gehen vnde nicht vnder gehen vnde den egenanthen Juncfern yo gefallen sal vnde den vorgenanthen Cappellan Acht grosschen alse vorgeschrebin sted. Vnde ouch ab der obengeschrebin Woytczlaff adir seyne Eliche Hawsfrawe Agnetha von deser werled vorschyden adir störben, do got vor sey, So sal man dach dy obengeschreben halbe marg geldes vnde Czynses suchen off der freyen halben huben Erbis adir werdo dor offe sitczet adir dor offe bleybet. Do bey sinth gewest dy Irbern vnde weysen lewthe vnd gebawern ünsers dorffes Tscharnowans, Mach der eyn Rothman was czu der czeit, vnde Woytke Gogel, Ogra Salag, Martschyn Sackrauth, Swetlick des Closters Becker, Mychel Czegla, Bebke vnde Pennaschag vnsers Closters fischer, Vnde ich Nicolaus Wayner dem deser briff befolen warth. Gegeben czu Opol an dem Dinstage vor unser liben Frawen tag wörtczewey Vndir ünßerem grosen angehangen Ingesegel Noch Cristi gebort Tawsund ffirhundirt vnd dornoch in dem eynen vnde dreysygisten Jore.

Mit dem Propstsiegel in grünem Wachse.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 1, Urkunden des Klosters Czarnowanz. Hrsg von dr W. Wattenbach, Breslau 1857.